مدونة شيبان الثقافية
الثقافه العربیه فی الأهواز
الکاتب
روابط الاصدقاء
.
.
.

  

 

غرستُ آخر نخیلاتي

و تمکنتُ من الإهداء

ضحکت نخلةٌ و قالت

أ أنتَ شاعرُ النخیل!!؟

فاق بيّ الحزن

و محوتُ الحُسن

سأهدي لکِ کلّ ما بوسعي

سأهدي لکِ کلّ ما بوسعي

 

[ 2014/10/21 ] [ 0:23 ] [ Administrator ]

,, زهرة الموسم ,,

وجهك يا عباد الشمس

رافقني من تلك اللحظة

حين تلاقينا بالامس

راح يسائلني عن بعد

أنساني صلوات الخمس

زلزل اركاني و مضى

إعصار دمرني بالهمس

 

 

[ 2014/10/16 ] [ 23:25 ] [ Administrator ]

 

"حنین یموت"

 

ترکتُ دیناً ... علی فراش مومساة

تعزف علی وتر الشرف

و ترقصُ بحیاء العرض

و کادت أن تموت

و هي مؤمنة آل فرعون

سقطت الهواجس...

بعد هذه الضلالات

قومٌ کُرِهَ

قومٌ لم یعرف

إلّا الحقارة

یا تارک الجوامیس ترعی بحدائق بابل

ألا تری البقار العجاف

أتت من سماء قدس

و انحدرت بأرض کربلاء

ألا تعرف ...!

هدهدٌ

وجد مدینة

یعبدون فیها الدماء

و یسجدون للإله

و یعبّرون بأنفسهم

مسلمین لمحمد و الإله

ألا تعرف سر نملة

کادت أن تُحیی بأرضهم

 ماسکة العصاء

عمیاء

عمیاء

لمن المرآة!!!

ألا تعرف

ذبح نجل کبیر

لماذا هذا الهراء؟

تُرکت کلمات علی وسادة الأعاجم

حتی یؤولون الجهاد

و ینکسون العهود!

تعال

تعال

نمرّ طریق النیل

و نشقّ القمر من جدید

الاهُنا إلهٌ واحد

جدید قدیم

عتیق

عتیق

یمشي بالشوارع

یُغازل  النساء

یلعب مع الأطفال

یرقص للحافلات

یموتُ و یحیی

هذه الأنانیة ... تُعدّ للمومساء؟

کذبت قوم و صدقت بزاویةٍ ماتت لعصور

سوریة ذُبحت بید الأعراب

فلسطین

العراق

لبنان و مصر

و وطن الأطفال کُسرت علی أرضه مرآة الحیاة

هذه الأنانیة

ألا تقولون

الصبح بقریب...!!!

 

ذي الحجة 1435

16:45

 

[ 2014/10/16 ] [ 12:45 ] [ Administrator ]

عنوان القصیده      «  نحر النهر  »

لهات الگوم یبست مثل چبد حسین                  من عباس اهد اعله الکفرقرر

تکبرله الملائک ولخیم والسیف                         موبس الگمر حتی المهر کبر

یمد شوفه النهر من الجرف لخیام                    زینب لن یشوف الگمریتحضر

ازدحام وخوف بلشط روی یدفع روی               صاح النهر خایف یا الاهی استر

وجه السیف احمر وایضاً ایدالسیف               من گد ما عصرها الگمرشبعت حر

بعدهو الگمر ماهد هیچ صایرخوف                 چاشنهی الیحل لو یهد عل عسکر

عسا ذبح النهرچی کسر گلب حسین                         آسف للنهرماینوجد منحر

طلع دم السیوف ابضربت الصمصام                    السیوف من اتباوس نارتطشر

راد المای یشرد من اجه العباس                       بس النهر ریل الشرده ما دبر

علا اکتاب الخیم شاتل بدیه نظرات                      بجروح العقیله النظر یتعثر

لذالک ما بچه العباس یوم الراح                      الدمع مالح یأذی الجرح لو ینذر

اذا یعثر نظر ینگطع مد الشوف                       شتظن عن اخیته الگمریتأخر

الچفن شده ابحلگ مهره الصمیده اعنان             صاح المهر مر الموت ما اگدر

لان ضاگ الچفن من شد عله عباس              وگف صافن اشویه المهر وتحیر

اذا ما یهد عار اتذمه کل الخیل                          ابوفاظل رگاه اشلون یتعذر

صالو ولحوافر صارت اهیه اسیوف             تشگ صدر الارض و دموم تتبعثر

رمل دم الارض من تنطعن بل سیف                 خد الگاع من کثر الدما اتحمر

مشو مشیت نهر من یمشی بیه المای                      الجیتهم لهسه الخیم تتنطر


تصنیفات: شعرو شعراء مدینة شیبان
[ 2014/10/6 ] [ 14:22 ] [ Administrator ]

قصيدة الألم

سوف تندم

و إذا مرت بك الأيام تفهم

أنا محكوم

محاط

و معي كيس من الأسماء معجم

كل عام عودتني

بسرور الناس أحزن

من بدايات محرم

لنهايات فصول

بعدها أضطر أحلم

 

[ 2014/10/3 ] [ 8:34 ] [ Administrator ]

علی ادروب الجفو عینای ربان

اوسوالفهم مرض بحشای ربان

صفت روحی سفینه ابغیر ربان

او یخور الروی ظل ابکیفه بیه

 

*****

ابجنح مکسور طیر الشوگ طربای

الهواک اونط دلیلی اوصار طربای

اغزلت ذچرک او غوج اجفاک طربای

درب و اتعطشن ست نوگ بیه

*******

الربع بعض الربع خنجر بظهرای

طعنو والخلل بین بظهرای

انحلت وانجوم راوونی بظهرای

اوسراب السانهم حط علل بیه


تصنیفات: شعرو شعراء مدینة شیبان
[ 2014/9/26 ] [ 17:35 ] [ Administrator ]

«وعد ذ باح »

شلتک من طحت جدام هاذا وذاک              و راسی الخاطرک للگاع دنگته

ماشیتک عمر ضیع شبابی اویاک             وانته ابرخص عمری الفاتلک بعته

ترا المطعون ماینسه الطعن هیهات             او چذبت العیون او گلت ماشفته

ابنص اجروحی مریوحه انصبت بجفاک             واگلّب ذکریاتک ذچر ماطفته

جرحی او عبرتی وامناشقی الملگاک           و ادموعی و حسرتی و گلبی او علته

کلهن منک وگتلک الصعبه اتهون              فدوه اتروح کلهه الحاجب الشلته

من اتضیج چنت البس خلگ فلاح                واشتلک عمر و اترس عطر سلته

ترا الواعد حبیبه او ما وفاله اوعود               شیطان ابظمیره اعلی الجفه ایعته

ترا الماهو وفی ابنص الشماته ایضیع              اتعوفه احبابه کلهه او تنترک سکته

او ترا النایم ظمیره المجد ماینخاه               اوترا الفنجان یخجل لو خلت دلته

الیحط یم الشجر منشار مو مسموح              خطیت القصن کلهه اتصیر برگبته

حچیتک چلمه وحده او و شیلت ابساع             وکح چن وتطیح النگطه من گصته

انا امأمنک گلب بی عش بلابل لیش              ابرمح چلمات ماحبک غدر صبته

چنت من اضحک ابخلگی الفراش ایطیر          اویفرش فوگ بسماتی الورد عفته

ابفصن اشجار جفنی ایورد العصفور                  لیش انته ابعنادت عایفک صدته

ابلسمت نای اصبعک انگلب تقرید                  امواعدنی ار اذبحگ گلی چایمته

 

[ 2014/9/26 ] [ 9:43 ] [ Administrator ]

عنوان القصیده «خدود المنایر»

 

یاعاشرنجم عاشرت وجه الیل                      لیل ابلانجم تفسیره گلی امنین

ضحکات الکحل بس بل عیون اتدور              مامعنه الکحل لو زعلن العین

عاشربل عدد والحکمه اکید ابهای                 جسر رابط لبین الفرد والزوجین

مشیک صوت بلبل من تدوس الگاع                       یلتم الورد ویقبّل المجدین

شفتینک مطر من تحب عطش الگاع          تضحک للفلح موصوت تضحک تین

هادی ابلا ضعن تحدی النوایب حیث           عله ارگاب البلابل تضحک سچین

طولک کعبه الله ابفی خیالی ارتاح                  لاتمشی ابخیالی اتعب المصلین 

القرآن ابعیونک ماتهل ادموع                   تبچی ابحضرت الله الحمد ولیاسین

کلک مدری شنهی العگل صافن بیک         وجه صفنت خیالی امشیب امنسنین

عکازت صفنتی ال آه والحسبات                 خطاره ابنعش والموته المعزبین

واخاف من الگبریحضن صفنتی اعلیک       تمشی اشطور شعری ابجمع المشیعین

امس من ذبحو الگبه ابحقد مولای                  شفت چن المنایر لطمن اخدین

شباچک رکض وی رکضت اطوریج          ویصیح اشتکی و شکاوی عند حسین

اگله ابسامرا الطف استعاد اردود                 والطفل انذبح والسهم صاب العین

زینب للیسر تمشی و دمعهه ایصیح              لا شوف الگمر لا طیحت الچفین

 


تصنیفات: شعرو شعراء مدینة شیبان
[ 2014/9/26 ] [ 9:33 ] [ Administrator ]

 

اغنیة الله یا دیرة هلی  ( للفنان سید فرج  )  

 

تحمیل الفیدیو : mp4

 

[ 2014/9/22 ] [ 11:48 ] [ Administrator ]

"کیف أتیتِ"

أمسکت یدَ آخر أطفالها

" المُــتِــبـَــقي"

و ذهبت تقرأُ أُنشودة

"المــُــتــنــبي"

"کیف أتیتِ"

کیفَ أتَیتِ"

 


تصنیفات: شعروشعراء الاهواز
[ 2014/9/21 ] [ 21:9 ] [ Administrator ]

«املوحت خنجرک»

 

 

طعنت خنجرک عاشت عمرهه اویای          غزر بیهه جرحی اوماشت احوالی

عکس طیبی و املوحت خاطری الملگاک       اوعسل درگت حنانی الگلت موحالی

ابجربت عینی سهمک شک سهم صایود           من اچفوف هجرک لالن اگبالی

حرگت اسنین عمری  ابچلمت  ا... اویاک              یلغالی الچنت ویاک موغالی

مشیت ابوکت چان الصبر بیه اعجاف          او حسره اشوگ چان ابفکرت امالی

خالی  امنلخیانه العمر عشته اویاک                 و انته امنلعواطف باطنک خالی

ترس سلتک چنت تنطینی ظیم و آه                و اجیبنهه اشتیاق امترسه اسلالی

یلبدیت عشرت عمر مو معذور                     شاطر سیف هجرک شطر دلالی

اغیم چنت من تضحکلی من ابعید               و اظل امطر فرح لو احسک احذالی

و الو ادری اعلی حالی اوموالی الضحکات           بس ا... الکریم الینذر الحالی

ابیالک چنت عایش ملک یم شامت                      و اتعیش البلابل چانت ابیالی

چنت اویاک شجره اشبدلک منشار              تگص بغصانی و ا... ایشور اظلالی

لا تلبد بعد من اتلاگه اویای                          امنشمن ریحتک هم ادری کتالی

طعم سیفک الهسه ابجرحی یرگص نای         او علی الحانه العزفهن سال شلالی

ایملح جرحی سیفک من یمر طاریک                 واضحک والشماته ابعین تبرالی

مو اضحک واخافن تشمت الشمات                  یلچم خاف سیفک جرحی البالی

لا تخجل اذا یم الشماته اتفوت                       کلهه احباب صارت هسه عذالی

انا اتمنیت صخره او سئلوا.. اعلیش             عش عصفور وسط اظلوعی خلالی

اتغندب چانت الضحچه امغندب یوم                     اومن افرح یغنی النای موالی

چنت اسکر ضحک لوطاری موتی انجاب        اومویم خشمی کل هذ الهوی العالی

بعد بلحلم هم مالک شراکه اویای               شلعتک چن ذرس من حسبه البالی

شلتک سالفت بت من مظیف اشیوخ                  ماترهم وارهمک حتی بخیالی

 


تصنیفات: شعرو شعراء مدینة شیبان
[ 2014/9/21 ] [ 20:41 ] [ Administrator ]

عنوان القصیده

 حفنت لیل

 

 

و راک من الغدرطشیت طاست لیل                    خاف ابیوم ترجع حتی لا تندل

 

احوک من الظلام انگاب لشمات                         البسنه من امرن حتی لا افشل

 

 

شگگت الشوارع صاحبیت الریح                         ما تلگانی ولله اسنین اذا تسئل

 

السهر لعیونی ضیج ولمنام اسهام                  حرت بعیونی بعدک وین بیهه ارحل

 

ضعف دمعی ابکثر ما مشه اعله الخدین                   یتنفس چفن من یبچی المدلل

 

الیگب من تسئله ایجاوبک دخان                     التسئله ابلا جواب من القهر ینسل

 

 

اصد وجهی من اشوفک بعد ذاک الشوگ           مثل صدت مناضل عن وجه محتل

 

جیش اجروح منک غزه ابگاع الروح                الملح جدامه یمشی و رافع المشعل

 

 

ایتثاوب خنجرک راید ابظهری اینام               ابظهری اجروح تبچی و خاف یتبلل

 

باشط سیف رمشی اشکثرحزادموع                  اعیونی اتهل رئوس و مودمع ینهل

 

اشکثر لجلک جنایز طلعن من العین                    لمن ما اعیونی اتوصفت مغسل

 

الورده ابلا غصن ماعدهه عزه  و جاه                مابین الچفوف من التعب تنذل

 


تصنیفات: شعرو شعراء مدینة شیبان
[ 2014/9/21 ] [ 20:30 ] [ Administrator ]

« ابو ذیات »

عجب خلی ابنزاعی مایلوحن

و انه الظهری ابغیابه ما یلوحن

اسهام اعدای گلهم ما یلوحن

تذریت وجسم ما ضل علیه

متیقّن انه ابعینای شفتل

گمر دنگ خجول وباس شفتل

حبیب و شعرا ظلمت لیل شفتل

دگلی اشلون شفتل یا نویه

قل قل ناضری من السهر ولحی

علیک وضوجیت المیت ولحی

ابسبب نوحی سبیت السلف ولحی

ارحلو ولبوم ضل ایون علیه

« دارمیات »

فرفر دلیلی اعلیک فرت الحمامه

مثل الذی ابعاشور مذبوح امامه

هلگد حلا حط بیک یا محله طاریک

لوتمشی انته اویاک هم ما اخلیک

هلگد حلا حط بیک جلت قدرته

خلانی احب اثنین بس انته و انته

 

نسیم النبگانی


تصنیفات: شعرو شعراء مدینة شیبان
[ 2014/9/21 ] [ 20:24 ] [ Administrator ]

نــاگلي جـــرح بس ما گلـت مجـــروح

ولا خلیت جرحــــی الشامــت ایشــوفـــه

و عفــت المو وفی وشهود عندی ابهای

بــس البی وفـــه للمــــوت مـــا عوفـــه

لآن البـــی وفـــه ما ینکـــر المعـــروف

وعله اعضیده ابد ما یبخـــل اچفوفـــــه

وانا قــط ما بخلت اعلل عضید اچفوف

وابــو المعــروف اقـــدر دوم معـروفــه

و وگفت ابوجه طاغـی الزمان اوگوف

و لا قبلیــت حــره اتـــروح مچتوفــــه

من حیث انا مانــی ابن الیخــون الزاد

ابـــن یعـــرب انـــا الصــولاتــه معروفه

و من کارون شط الخیــر شـــارب مای

التضحک کلوکت بسمته اعله اجروفه

وصح ظکنی العسر والیسر عنی ابعید

بس امضیفـــــی یشطر کـــرم لضیوفــــه

وصــح دارت علیه اعدای من کل صــوب

لچـــن عنــــدی گلـــب مــا یعــرف الخوفه

و چـــف عنـــدی ابعــزم گطــع اوتار العــار

وعله اوتار النصر ضــل یـــدگ معزوفـــه

صبـــر عنــدی ینافس حتــی صبــر ایوب

وحــد مهیـــوب عندی اشحده الیحوفـــه

وعگـــل منطینــی ربی ایعگـل المجنون

واهـــواز الحبیبــه ابدمـــی مدیوفــــه

 


تصنیفات: شعروشعراء الاهواز
[ 2014/9/21 ] [ 17:7 ] [ Administrator ]

موال دیار اهلی .....

 

معدّ له ارضی وسِبَت بالشّفه المحمرة

عگول وبی جرح دهره المحمرة

بشطها الوفی إنتعش کلما المحمرة

 

منثنه الطوب العده المن ردح عبادان

أهل التشیع هله وللباری عبادان

یشبه نخیل الشمخ من وگف عبادان

 

بروح الفلاح البگت دائم فلاحیة

ینطر بحدها صگر مطب فلاحیة

اسمک یحی الشعر یبگه فلاحیة

 

صح خفه صوت العدل هم للخفاجیة

کثرتها ریح المسچ بس للخفاجیة

بالهور حتی الگصب حن للخفاجیة

 

بالزرع لو حل دغل منجل فلحویزة

یحصده یخلی یظل یزهی فلحویزة

خمسة قرون احکمواهلی فلحویزة

 

اهل الحچایه الحله بسکرها طعم السوس

عوسج تحده الجمر ما أکل عرجه السوس

مسند حضارة هلی تاریخ گاع السوس

 

من اتشوف طیبة هلی روحک تظل تستر

بفی الچفــــــــــــــافی الزلم للعایزه تستر

یدوی بصدر الجبل صوتک یبن تستر

 

ینتج صلاح الرأی لو یرتبط معشور

والخیر مایوم ابد سارابدرب معشور

برزقه البحرمن یمد یغنی اهل معشور

 

زیهم چفافی وعگل یاناس واهوازی

عربی واظل البسه کل وکت واهوازی

مجنون لیلا وانا محمراوی واهوازی

                       

                وثبتت هویت هلی بتاریخ المحمرة                 

المحمرة  1426


تصنیفات: شعروشعراء الاهواز
[ 2014/9/21 ] [ 17:0 ] [ Administrator ]
‏ كوتشيخ قبل الحرب

 

يا رفيقة السنابل والنخيل

تعبت الملاجئ

أريد وطنا أضع فيه حقيبتي

حلمي

قلبي

ابتسامتي….

وطن خال من المحطات

لا مطار له

لا سكة له

لا مرفأ

ولا يد ترفع ساعة الوداع

وطن له دوار كبير

يرجعني إلى أوله

حين يضيعني الطريق


تصنیفات: شعروشعراء الاهواز
[ 2014/9/19 ] [ 9:58 ] [ Administrator ]
[ 2014/9/15 ] [ 11:58 ] [ Administrator ]

 

 

هنا

 

أنت أيتها الهاربة من آخر ومضة شعر دفاترى

أنثى تولد من وله الوجد ….

تنهض من أسرار الطين نحو الصمت والجنون

تحمل فوق جبینها قصة العشق على ضفتيه يغتسل الشوق برحمة ماء العيون

مرأة ترتب اﻷحلام بعيدا عن دمار السنين

تكسر أسنان الصبر لتستخرج شهادة ميلاد أشباح الحقيقه

لتقول

أراقب نبضى يتلو وجع السنين وأكفر بالحزن القابع بأوردتى

أسافر بالروح سطورا من الحكايا

وصفها يحتاج بلاغة اﻹدهاش

أحمل أمانى مضمرة أحرقتها ظهيرة أنيقه حين أوسمت بشرف اﻷمومة ..

نصبت فيها الشمس توقد نار العشق بقلبى حد اﻹحتراق والرماد

لكن وإن غيوم صوتى حبلى بأمطار الحرمان

خذ دعائي منفطر لب الفؤاد به

كالصبح منبلج من الظلمات

نافذة الحلم منيرة ترنو إلى أفق يبرق بكلمة توقد ليل العشق

ﻷسكن بمهد الروح لأنهض يوما وعد بعبق الياسمين

“هكذا أنا أبدأ من جديد “


تصنیفات: شعروشعراء الاهواز
[ 2014/9/15 ] [ 11:46 ] [ Administrator ]

انتاج استودیوادیب (محمدحزباوی)

 

ابوذیات الشاعرالراحل حاج مهدی الزنبوری

والشاعر کامل مهدی الزنبوری

یگلبی امن الزمان اتنوح        لومن

اخوالهرمن رحتله ابعوز         لومن

اذاطن حمل عندک صار         لومن

شیله وعیب تنخهه العاف        اخیه

 (الشاعرمهدی الزنبوری)

 

الصدت ملهوف اشوف الولف        منعن

علی  و اعیون واشی السلف          منعن

انکسر واهس فرحتی وبعد            منعن

اشواگی ادموع أسه اتکت            عل وطیه

(کامل مهدی الزنبوری)

 

یگلبی اتلوی من الدهر           یومن

احبابک لأن مکدرصار          یومن

گال اسکت اچفوف الأهل        یومن

الخصیمی وآنه سیف           اتجرعلیه

(الشاعرمهدی الزنبوری)

 

کثیره الآم روحی من            یعدها

وعلیه أیام سعدی من            یعدها

ناس الگبل چانت منیه           عدها

اسلم علیها هسه اتعیل           بیه

(کامل مهدی الزنبوری)

 

یگلبی اشبیک مکدردوم          منیا

ألم والفرح عندک صار           منیا

یگلی الگتله شدالجرح             منیا

ملح رش اعله جرحی وقدر       بیه

 (الشاعرمهدی الزنبوری)

          الگلب طعن الغبر مدری        کفاله ......؟

  تشگ بلظهر چلماته            کفاله

   اغلطت مدیت من شفته        کفاله

    ردلی ابیسرته و شب نار        بیه

 (کامل مهدی الزنبوری)

 

تولانی رفس ماقبل             یمهل

زمانی ولااهلاله ابفرح        یمهل

صحت من کثرجورالعلی       یمهل؟

تنسبتی ابحزن وینوح           بیه 

 (الشاعر مهدی  الزنبوری)

 


تصنیفات: شعروشعراء الاهواز
[ 2014/9/13 ] [ 20:52 ] [ Administrator ]

تعال الباب افتحة لخاطر الباب
اذا ماچـان عندك خـاطـر النـة
كثر ما دگت احنة اچفوفنة اعليه
الباب اضلوعـة صـارن يـوجـعنة

 


تصنیفات: شعروشعراء الاهواز
[ 2014/9/11 ] [ 21:39 ] [ Administrator ]

معذّبتی

مالی حین لقائکِ أخجل

و نیاط القلب تتعلعل

و دموعی تهطل کالمُزن

و أنین الصدر یتأمّل

مالی و الیأس یراودنی

و نعیب اللؤم هو الأعضل[1]

أوغر[2] قلبی منک هتافٌ

حلّق فی الأجواء کأجدل[3]

اذعرتِ[4] المُقلة بالرویاء

یا رئم[5] الضاحک  و الأکمل

أدهشتِ بلا عقلٍ یُذکر

عینیک أم دنیایَ الأجمل

یترصّعُ طرفُکِ بالعسجدِ[6]

و بقطر الأنداء تکلّل

سورةُ[7] عینیک تثخنُ[8] جرحی

و ترائبک الذهب الأمثل

ریحٌ اُقاحٌ هبَّ بلیلٍ

و بمعرفة الزهر تجهّل

الخود[9] تعوم بلا عقلٍ

ببحیرة عینیک فترحل

أمطرتِ و من برقٍ خُلّب[10]

و أبکیت بلا دمعٍ یهطل

جذلٌ أنت و قلبی کلفٌ

و بثوب الأکدار تسربل

إنّی وجلٌ[11] و النأی[12] دنی

کالنصل[13] دنی منّی و أقتل

سهم عذولٍ أقبل نحوی

و مُجن[14] الأحلام تزلزل

أخذ الافراح بلا سبب

وبثوب الأکدار تبدّل

مالی حین لقائکِ أجثو[15]

کالأغصان کئیباً مُذهل

وجناتک و الثغر الأنشب

بعبیر الأزهار تشکّل

و هزار الأوثان تسجّع

بهدیل الآلام ترتّل

عجبٌ منک البُعدُ و قلبی

لتلال الأعباء تحمّل

یا البیاض الشعر تجلّی

کسهام الأعداء فأجفل

و قَلوتَ التعذیب و إنّی

أترجّی الوصلُ متی یُقبل

 
_______________________
[1]  أعضل:أکبر و أکثر من الشئ

[2]  أوغر:أسمع

[3]  أجدل:الشاهین

[4]  ألذعر:الخوف

[5]   الرئم:الغزال الأبیض

[6]   العسجد:الذهب الصافی

[7]  السورة:الخزرة بالعین

[8]  تثخن:تعمّق

[9]  الخود:النساء اللطیفات و الجمیلات

[10]  لخُلب:الکذب

[11]  خائف

[12]   البُعد

[13]   النصل:السهم

[14]   المُجن:الدرع

[15]   أجثو:أتمایل کالغصن

 


تصنیفات: شعروشعراء الاهواز
[ 2014/9/10 ] [ 17:24 ] [ Administrator ]

دوم عارض موس هجرك بالله هات
وروحي من يوم الموداع بالله هات
لشوكت نفسي تنادم بالله هات
اتروح واتـرد گود بيد الـذكـريـات
هات يا گلبي من الحسبات هات

 

 

 


تصنیفات: شعروشعراء الاهواز
[ 2014/9/4 ] [ 23:29 ] [ Administrator ]

الاسطورة في شعر جمال نصاري

شتاء 1392 هـ ش

صادق البوغبیش

الملخص

تناولتُ الاسطورة في شعر جمال عبدالزهراء النصاري و قسّمتُ الاسطورة الی ثلاثة أقسام منها العالمیة و الاقلیمیة و الدینیة .تناول الشاعر الاسطورة لیبرهن عن مدی تأملاته و آفاقه الشعریة. لقد تطوّر الشعر العربي الحدیث و تزین بأنواع الاسطورة، منها الاسطورة العالمیة و الاقلیمیة و الدینیة. إنّ کثرة استخدام هذه الظاهرة، و خاصّة مایسمّی بالاسطورة العالمیة تقتضي دراسة نقدية لإیضاح مواطن الجمال و القبح فیها وتجدید إطار لها. للاسطورة بأکملها، نظراً لتعامل الشاعر مع الأدب الحدیث في کافة أنحاء العالم و المکاتب الأدبیة  و الأخذ منه، أشکال مختلفة، منها: اسطورة الدینیة، اسطورة الاقلیمیة، اسطورة العالمیة. و لکل منها جوانب سلبیة و ایجابیة، فبعضه رائع و جمیل، لأنه یزداد الشعر به روعة و رونقاً؛ و قسم منه ضعیف و رکیک، لأنه لایتناسب الروح الأدبي و حیویته للعوام. و الملاحظ أنّ الاسطورة تمعن النظر و تخفي ذات الشاعر المذعورة. هذه الدراسة تتناول نماذج من الاسطورة عامةً في شعر جمال نصاري برؤية نقدية.  و من خلال دراستنا نجب علی هذا السؤال الأساسي و الجوهري فهل  استعمل الشاعر جمال نصاري الاسطورة بصورةٍ فنّیة و معبّره من ذاته و آلامه؟

الکلمات الدلیلة: الشعر المعاصر الخوزستاني، جمال نصاري، الاسطورة الاقلیمیة، الاسطورة الدینیة، الاسطورة العالمیة.

 

اقراء المزید

 

تحمیل المقال النسخة الكاملة : word

 


تصنیفات: مقالات دراسات وأبحاث
اقرا المزید
[ 2014/9/4 ] [ 18:19 ] [ Administrator ]

عنوان القصیده ما احب

ماحب الضحچ چی رافگ البطـــــــران  * ویبدی اعله الشفاف الناگعه ابخمـــــره

وچی نعتوا دوا ویغسل اهموم النــــــاس* گام ایشیل خشمه ویحگر الفقــــــــــره

ومذموم التبسّم شرعی هیچ ایگـــــــــول * الجرح مذموم لمّن یبتسم ثغـــــــــــــره

تلزمه اچفوف وجعه وما ینام اللیــــــــل* من یرتخی اضماده وصحته التحگره

وما حب الورد ومن اسمه اضوجن حیل*وسکرت الخشم عن لا یشم عطـــــره

موحتی الورد هم رافگ التبعیـــــــــض *وببیوت الملوک امبسّط ابزهـــــــــره

گد فرحت یتیم الورد عمره ازغیـــــــــر* موحیف ابمذلّه ایگضّی کل عمــــــره

وما حب العشگ صارالعشگ مدغــوش*ما یدخل اگلوب ابشغف مستعــــــــره

اتکضّه ام الحبوکر جدمه یرجف لیــــش*وموسوعت عرینه البسمه والنظــــره

وما حب الصبح چی یفضح العریاــــــن*العلیه شحّت اثیابه ورفضت اتستـــره

تحت جدم الصبح مرضوض ضلع اللیل*ویذبح چم نجم لمّن یطر فجـــــــــــره

ومفروض الملح ینشال بین النــــــــــاس*البعض یا للاسف بدذات واتنکــــــــره

العلیه من ساوموا والعزّبوا غمّــــــــــان*اعرگت گصت الملح من شوهوا قدره

البعض رشوا صدگ بس موش فوگ الزاد*ابحقدهم علجروح القافیه اتــــــــــذره

لتلوم امن اضوجن کلشی بلمگلــــــــوب*صار وصبری احسّن هم خلص صبره

ام افراحی عاگر عیب طلگت یــــــــــوم *وام احزانی جابت میت الف حســــره

وابوی الامل چان وشال عنّی اسنیـــــــن*وبرض الخیبه مات اتوسد ابگبــــــره

وصبح فرحی یتیم وخلگه شیّب حیـــــــل* وام حزن الشریچه اتهینه واتسطـــره

اگولن بلچی تفرج خاف اخس اتصیــــــر* وبس الله الیفرّج والامرامـــــــــــــره

 


تصنیفات: شعرو شعراء مدینة شیبان
[ 2014/9/1 ] [ 19:50 ] [ Administrator ]

موال

یاصاح خاوی اللذی ابملگاته گلبک یســر

ولوطفح زود الوکت مدروحه لجلک یسر

تتخذه سور وحمه وعسرک یبدله    یسر

       لوهیچ عندک اخوبهل دنیا تصبح ملک

       متمل سجیته وابدمایوم هوملــــــــــک

       منحیث یوم الوغه یمناک هوویسر

****

یاصاح شمل الربع طش ابسهوله وشات

وگوّظ ربیع الوصل مره الخریف وشات

رافگت وکتی غصب رفجت الذیب وشات

           واللی یرافج عدو ما یقفه عینه ویمـــــن

           وما یمر جفنه الوسن یلتفت یسره ویمن

           وینه الیلبی الطلب یعطف علیه ویمــــن

یخبر هلی وخلتی ایگلهم ولونه اوشات

****

یاصاح هم النبی غیرالوصی منجلـــــــــه

وبحنین وایضابدر جیش الکفر منجلــــــه

وابروض زرع البطل حیدریگص منجله

         وبرگاب اهل المکر سیفه یسنه وحد

         کثره المناقب اله مالهه احسابن وحد

         ارداسيل الناصبی ابغزوت الخیبر وحد

یاهو الوگف والشگف منهو الشرد منجله

 


تصنیفات: شعرو شعراء مدینة شیبان
[ 2014/9/1 ] [ 19:42 ] [ Administrator ]

ابوذیات

الامس حنیت وادری راح امسکم

شهم وادری ابزمانی راح امسکم

اشحلاته چان امسکم راح امسکم

امس راح الشمس طلعت علیه

 

انهدم طود الصبر بجفاک ونهار

الدمع فصل ابخدی اجروف ونهار

شبه ثکله انوح ابلیل وانهار

وسابع جار تم منی اباذیه

 

حبیبی الچن قصن طوله ورفعه

واحب علهام اشیلنه وارفعه

اشمدری امشی کل عمری ورافعه

الیلد ناعم لذعته اوجرت بیه  

 

دارمیات

ماتنفع الدویات والجرحی عطاب

جرح الچلم مسموم داویته ماطاب

 

ودعتک انه ابلیل غم هذه الوداع

کت منی فص العین واتلگته الگاع

 

دنت جرس یاخوی سمعته ذانی

گلت المحب بلطیف لوصدگ اجانی

 


تصنیفات: شعرو شعراء مدینة شیبان
[ 2014/9/1 ] [ 19:40 ] [ Administrator ]

سیرة حیاة الشاعر صادق البوغبیش

ولد الشاعر صادق حسن احمود شنان البوغبیش (الطائي الأصل) في مدینة الفلاحیة في عائلة تشمل بنتین و خمسة أولاد وهو رابع من ولد. یقول بمولده:" ولدتُ في کوخٍ حدیث الطین في قریة نهرإمسلّم بغروب خریفٍ تصحبه  امطار و عواصف  مُدمّرة الأکواخ علی الفقراء(و لا ننسی بأنّ المطر رحمة للأغنیاء)، بعد هروب اهلي من حربٍ أهدت لهم  الکئابة و الخذلانکان یوم الاثنین24 من شهر آذرسنة 1364هـ.ش في هذه اللیلة النحسة سقط کوخ اهلي کما سقطت أعمدة قصرکسری و دخل الماء في الکوخ و أطفأ النار، الملجأ الوحید للدفئ کما أُخمدت نیران کسری فهذا المولود بات اوّل لیلة حیاته في البرو عویل الریاح المشمئزة المخیفة و دوي الطائرات و الصواریخ ولکن یضحک کل ما تسقط دمعة دافئه من عیون امّهو یقول حول اُمّه:"(امّي کانت اُمّیة ولکن کانت تحبّ الدراسة و شجّعتنا بهذا المسیرحتی راحت تقرأ القرآن و سوّت المستحیل)". في عزّ شبابه فقد اُخته الصغیرة فاطمة فرثاها رثاءً خنسائیّاً . فشاعرنا نشأ  علی حبّ التقوی و العلم و حفظ سبعة عشر جزءاً من القرآن  ثم راح یقرأ و یحفظ من شعر القدیم  و تولّع بحبّ عنترة بن شداد العبسي و النابغة الذبیاني  و الخنساء و محمود درویش و شعراء الشام  و بالأخص ابوالعلاء المعري و تولّع بتشاؤمه الجذاب، و في الشعر الشعبي  قرأ لسید علوان الخمیسي و السید ایاد الخمیسي و ملا فاضل السکراني و مهیوب الخضرائي  و تأثّر بفلسفة الغرب و قرأ لنیتشه و فروید و هقل و خالط اصحاب الادب و ارباب الکتابة. یقول الشاعر" أوّل کتابٌ قرأته دیوان عنترة بن شداد و حفظت الکثیر منه".   نشر کتاب شعبي تحت عنوان " قاموس الغزل"  بقصائد شعبیة ماعتم ان انصرف عنها الی معالجة الشعر الفصیح في اسلوب حدیث و موضوعات مستقاة من حیاة المجتمع .إبتدأ بکتابة قصیدة التفعیلة ولکن بعدها التحق بشعراء النثریة حتی یُصوّر الصورة الشعریة بأحسن حال. شعره الاجتماعي یندد بخروج من إطار الطائفي و فکّ أغلال الهمجیة و تعصبات اللاحمیة . التحق بمعهد المعلمین عام 1385 هــ. ش بفرع العربي و من ثم درس في جامعة علي ابن مهزیار لنیل شهادة البوکولاریوس في اللغة العربیة (لیسانس) و بعدها بجامعة الحرة في عبادان ونال شهادة المجیستیر في اللغة العربیة و آدابها برسالة قیمة تحت عنوان " السیرة الاجتماعیة في روایات احلام مستغانمي" التي حازت علی درجة عالية بالنقاش. و حالیاً معلم في مدارس القصبة (گصبة النصار). صادق حسن احمود علی وشک  نشر دیوان تحت عنوان  " مهلاً یا قاتلي" و یشتمل علی قصائد نثریة.

 


تصنیفات: شعروشعراء الاهواز، علماءـ شخصيات ـ ادباء
[ 2014/8/30 ] [ 17:34 ] [ Administrator ]

 

گمرية البسمه


سولفتلک ریش فارگ جنحه من اول امس ..

وسولفتلک نجمه ضیعها الضوه ابحضن الشمس ..

وسولفتلک جرح گاعد یحچي لچماته ابهمس..

و سولفتلک عن شذاک الخربص افکار الحدایق ..

الکسّر ابمشیه شبابیچ السوالف...

النگّط ابحلگ الصبح بستان یضحک..

یا غمگ لیلي امن اذکرک ..

و یا متاهت عینک الخاوت اظنوني وتیهت سنبل اسنیني اینام خدران اعلی جمرک..

وعي گمرية البسمه وخل اضوگ الفجر مره ..

خل امر ابدرب شمسک..

خلني اشرب ضوه واسکر ..

خل ادوخ ابوجه صیفک ..یا سموم الشوگ موتني اعلی کیفک..

ردلي ظلي الچلّب ابشباچ ظلک ..

ردلي طفلة عمري ذیچ الضیعتها ابسالفة ((مشتاگ خلّک))..

سولفتلک کثر الله ومالگیتک .. وخضّرت(( لیش)) اعلی طولي وغنّت ادموعي ابعبیرک من بچیتک ..

اتکسّرت عبرة الصوره وانته مامش ..

انته مامش .. الصوره واصل صوتها الاخر صفنتي وانته مامش ..

یاکبر خلگ الستایر..

یا وسع صدر المخده البیها ظل یمشي حلم مکسور خاطر..

وبیها ظل آثار من دمعات شاعر..

سید حسن الشریفي

 


تصنیفات: شعروشعراء الاهواز
[ 2014/8/26 ] [ 10:50 ] [ Administrator ]

 

 

"هذیان"

 

حَزِنت لموتي...

 

                إلعناکبُ و الأسماک

                والطیورُ و الحیوانات

               و الجماد و النباتات

و فرحت...

                    کل الفتایات

حَزِنت لموتي....

                   ریتا إلتي جَرحها قلم محمود

                   ریتا إلتي أحیاها غضب محمود

و فرحت...

                     أُختي من قوم عاد

                              لا بل...

                       من قوم ثمود

محوتُ ذاکرتي...

                   من أطفالٍ ... کاد أن جسدي یکون أبویهم

                     و یعزفون بخناجرٍ من الضحکِ و البکاء

                    و لم یتبقی ثمنٌ و لا بهاء

محوتُ ذاکرتي...

من شجون أبي إلتي

وهنت قواه... خذلته رکبتاه

من ذعر المستقبل و الماضي

کیف لی أن أکون...

مشوّقُ طفلاً یحتضرُ ماضیه

واقفٌ علی شواطئ الخذلان

و یعومون أصدقاءهُ و إخوته

بشوقٍ بالحاضر و الماضي

لا تکتموا...

لاتکتموا جُرحَ إبني الذي کتم جُرحَهُ السفیه

جَرحُ إلذي یروي قصص الآتیة

و ها أنتم تستمعون الماضیة

محوتُ ذاکرتي....

من نساءٍ یرقصن لحافلاتٍ مارّاتٍ

و یلطمن للباقیات الصالحات

ملوّنات الخدود

إجمعوا...

أجمعوا خیالاتي من قبرٍ

ترقصُ أُمّي بجانبه

و تبکي أُختي بجانبه الآخر

و ها أبي یجمّعُ إلحطب

قانعٌ بما کسب

یحرقني بنارٍ ذات لهب

و یغنّي علی قبري

تبّاً لک و تب

تبّاً لک و تب

إجمعوا... إجمعوا...

إجمعوا عظامي

عند الخریف... و سَتَرسَونَ بوادٍ

تعزفُ الطحالبُ علی شجون الماء

و تنحدرُ إلی السماء

کیف لی أن أکون أباً...

کیف لي أن أکون أباً و ها هي

شهاداة النساء وحدة تلوة الأخری

یشهدن بحیائی المجوسي المکار

و وصفة الجزّار

و جُرح العطّار

جمّعوا.. جمّعوا...

جمّعوا دفاتري إلتي کعروقٍ و جذور

تَصِلُ إلی کلّ البشر

کفضیلة قوم الیهود

و ها أنا و قومي

لم نعد منهم إلّا بالشجن

 أبقی بعیداً... من أُناسٍ... تصحبهم أمطاراً...مصحوبة بعواصفٍ... من الجوع و السقم... و أُمّهاتهم الشتاء... أخواتهم تسکنُ بالقرب من الخریف... و جارهم غضب الصیف... و عدوّهم یستضیف الربیع

و أبي یُردّد أُغنیة

تبّاً لک و تب

تبّاً لک و تب

 

 

 

 

[ 2014/8/24 ] [ 18:21 ] [ Administrator ]

زمان اشراد حاربی علیمن

وخافن ابسمل ثوب علیمن

هچی نضل لو حگه علیمن

اشمخفی زین من یحچی علیه


رجال الما تشد الکار و شیل

هم ترجه تشگ اشگوگ وشیل

خل تلبل ملابس خدم وشیل

علیهم عار و انه الفخر لیه


لون همی علی حمریل چاذاب

وحملی لو یشیله اهدیب چاذاب

الیگول امنل نوایب متت چاذاب

التموت الرجل بس المهضمیه


سچم یشبه بریج التاه یرعه

و یرید الی ابروضه گفر یرعه

السخاوه و الشجاعه اترید یرعه

انطبگن ما رضن بل مهضمیه


چرخ الفلک خله الگلب ینعای

و یدهری نوب صفنه و نوب ینعای

اسرحن هیچ مامش خطر ینعای

 ولا تحصل اذیاب و بتر لیه

[ 2014/8/22 ] [ 11:22 ] [ Administrator ]
.: Weblog Themes By Weblog Skin :.
حول المدونة

من نحن؟
_______________________________

مدونة مدینة شیبان الثقافیة مدونة متنوعة تهتم بالتراث و الأدب و الثقافه العربیه فی الأهواز،مع التركيز على القضايا الاجتماعية والثقافة القومية و الشعبیة و تنشرباللغتین العربیة والفارسیة .
نرجوا من الاخوة والاخوات الذین یریدون أن ننشر کتاباتهم فی المدونة يرسلونها عبرالإيميل أو یترکونها فی قسم التعلیقات حتي يتم نشرها في أسرع وقت ممكن ،

نشكركم على الاهتمام وحرصكم على التواصل معنا .
_______________________________

sheybancity@gmail.com
امکانیات ثانویه
احصائیات المدونة