_{آنه وحیاة الصداقه و شاربک
چفی للخوه ویه چفک شاربک
می حیاة اتجسدتلی و شاربک
صرت مثل الخضر ماعرف الممات}

_*********

_{هاک گلبی یا حبیبی طالبه
ولوشفت بی غیر حبک طالبه
آنی ماصدّگت اعشگ طالبه
چنی سایل کاض باب الجامعات}

_***********

_{مثل ماودک یلدعج ودّنی
جابنی الشوگ السلفکم ودّنی
اللئیم ایهاب منک ودّنی
یل غرامک نال کل الغانمات}

_************

_{مانبع دمع المئاسی مانزل
عل عهد ویه المحبه مانزل
الزله عدنه عیب یدعج مانزل
انصحح الماضی و نِعَدل المایلات}

_{" کلمات الشاعر سید نشعان الشوکاوی "}

_{" بلای احباب"}

<sub>بلای اهموم لحظه الروح ما تگزر بلای اهموم
عگب عینک تلوب الروح ما ترکد بلای اهموم
بلای ادموع لحظه العین ماتسکت بلای ادموع
اذا متشوف خلهه العین ما تسکت بلای ادموع
بلای اوداع لیش اتروح وتخلی الحبیب ایضل بلای اوداع
شوف اشصار من اسمعت ماشی انته او بلای اوداع
بلای اسباب یاهو العاف حتی اتعوف ما ترهم بلای اسباب
لیش اتعوفنی او تمشی بلای اسباب بلای اسباب
بلای اعتاب ما عاتب تعال ارجع بلای اعتاب
احبک رقم کلشی الصار ما عاتب بلای اعتاب
بلای احباب دنیه اعتقد ما تسوه بلای احباب
یا رخص البشر من یگضی عمره اُوحید
بلای احباب بلای احباب

" الشاعرایوب کربلایی زرگانی"</sub>

_{عناءالهوی}

_{غازلتنا من بعید}

_{بعدَ ایام الخریف}

_{قبل ان یاتی الربیع}

_{کلمتنا ،ضحکت}

_{خلف الشفائف}

_{ثم قالت یا حبیب}

_{احرقت نارکَ ناری}

_{وسرت فی عقر داری}

_{واستحلت وطناً}

_{یولد مراتاً}

_{ومراتاً یضیع}

_{هو طفل ٌفی سبیل الحب}

_{مازال رضیع}

_{یرتدی الصفصاف حتی یتعلّم}

_{من بنات الحی صوتُ العندلیب}

_{بعد ایام الخریف}

_{قبل ان یاتی الربیع ...}

_{" کلمات الشاعر داوود حمید "}

_{بعد لاحیل الاول بیه یفلان ولاصبر الاضمد بیه همی
الف حسبه تجی علبال ولبال ابساحات المصایب طاح مرمی
خذانی الشیب ماضل حیل یا حیل سکر والدسم انطانی سهمی
اشبگالی غیر حفنه امنل احاسیس اخذهن لوترید اتزید غمی
انه نشعان بس بل اسم نشعان اخذه اوغیره یفلان اسمی
اوخلینی اویهمی او دفتر احلام اذا عهد التجافی صار حتمی
یذهنی امشوش امعکر وحلبیک
حایل من عهد حبی وحلبیک
شطلعک للخشم غاطس وحلبیک
اطلعک لو تغرگنی اباذیه ؟
هایه حلتی اتسله باشعار اقنع روحی حتی ایزید عزمی
تکنی اوهدمی بسوار الغرور انه طفت المحبه اوفات فطمی
تره وصفی الغریج الطافه المای اذا ما الک جیه فوت عمی
او خلینی ابوحدی ابدار الاحزان اصطر ارماح قدرک وسط سقمی
او اذا فات الوکت وسمعت الاخبار هلک عاشگ جریح اوطاح مدمی
تذکر یوم چنه اوچانت الحل واحد علی الثانی ایطیح مغمی
هسه انه طریح اوماکو اغماء لا صفنت فرح بل عین ترمی
واذا قصدک تراوینی القساوه ابشرنک فزت انتهی هدمی
البخت مادام یدعج والهدام
اویا دمار الصار بیه والهدام
حایر او ولهان بعدک والهدام
امهزل او ردنین صبری امشگگات}

_{مع اجمل التحیات
" سیدنشعان الشوکاوی"}

_{" لحظة الحرمان "}  

_{لحظة الحرمان}

_{فی المقهی}

_{أشارت لی بطرف الحاجب المکسور !}

_{عند الشای}

_{قالت : کیف حال السیدة ؟}

_{قلت : ماذا ؟}

_{ثم قالت: کیف حال السیدة؟}

_{قلت: لاادری بعیدة أم قریبة}

_{عاجلاَ تبقی بعنوان القصیدة}

_{اذن الدنیا معاها}

_{أسالُ الباری تعالی}

_{دائماً تبقی سعیدة ..}

 "الشاعر داوود حمید"

_{احاول قطف زنبقة}

_{فتهرب رئماً من یدی}

_{تمشطُ شعریَ تارةً} 

_{و اخری تضربنی کصبی}

_{ولدت انا و لم تزل}

_{تعانقنی کصاحبی}

_{بأن سلوکه وترٌ}

_{سیبقی دائماً عربی ...}

"الشاعر داوود حمید"

_{قال ابونؤاس:}

لاتطلبن دنو دار من حبیب او معاشر       ابقی لاسباب المودة ان تزور ولا تعاشر

_*********

_{شی تعلچ ابستی وشیبان
وعن علی تالی العمرشیبان
صرف الدهرخله اویای شیبان
المرض وافراگ خلانی علیه.}

_{"کلمات  مله صالح حمیدی"}

_{لاسکن گلبی بعدکم لاهده
هل جسم فرگاک یدعج لاهده
تاه عقلی ابحر حبک لاهده
شوگک الظنیت بی ساحل نجات}

_************

_{یل شفافک عسل تنگط بستمن
لیش کل وکتک علیه بستمن
باغل وزنجیر عشقت بستمن
تاکه کشتی در دلم فکرنجات}

_********

_{میراثی مجد اهلی وسربی
لغز ماحلله الخامل وسربی
تطشر سرب المعاند وسربی
ابسماهم طش محبه اوجاذبیه}

_{"کلمات الشاعرسیدنشعان آلبوشوکة"}

_{علیل الگلب یوم الفگد ودّه
سعه جرحه یصاح ونزف وده
القدس جزیه لبن صهیون وده
وسیف العرب بگرابه رمیه.}

_{"کلمات مله صالح حمیدی}

 _{فی حق فلسطین الاسیرة"}

_**********

_{وحگ رب الفصحله الضاد لحنه
الو بلجو خصمنه ايطير لحنه
قسم لو علمطاهم يوم لحنه
مثل عباس نصنع غاضريه}

_{عله الدنیا نفوس اهوای تدنه
وماینفع قصر للموت تدنه
جبال ابصف خصال الزین تدنه
وعلو الهامه لأبناء الحمیه}

_{"کلمات حا ج عارف الخميسي"}

_{***************}

_{ابکل اثم متلوف دایم زینبه}

 _{او دفتر اعمالی مظنن   زینبه}

 _{الأمل بالعباس کافل زینبه}

_{وبالشّهید احسین من بعد الممات.}

_*******

 _{بانن اطروش التکهل والمحن}

 _{ابراسی والنکبات زادن والمحن}

 _{تدری ابچی اعلیش وتهل والمحن}

_{ابچی لذنوبی وقلیل الصالحات.}

_{" کلمات الشاعر سید جعفر غرابی"}

 _{وحگ رب الذی یجمع شملها}

_{روحی امنلولم ما تبره شملها}

_{جفاهه الدهر واجفاکم شملها}

_{علیله وتون ونه خفیه..}

_************

_{الوکت طگنی وترک بعضای خله}

 _{ولا یرهم دلیل ابغیر خله}

 _{یلی تداوی الجرح خله}

_{یطیب الجرح لو مرت بیه..}

_*******

*********

  _{"کلمات  مله صالح حمیدی"}

الورد والمای

 _{الورد  یزهی مدام  المای  موجود
 لئن بلمای  تکمل  کل  صفاته
او حُبی اویاک  مثل الورد والمای
 حبیبک  بیک  مرهونه  حیاته 
طریح اوساده مرضی الحُب یمحبوب
 حبیبک بیک مرهونه شفاته
القلم یکتب کتابه اشلون مترید 
ابشرط موجوده  کل  وکته  دواته
حبیبک قلم  و انته  حُبک  ادوات 
دلحگ  گبل  لا  تنشف  لهاته
 النحل یتعب یجمّع شهد کل یوم 
او یحن اعله الورد چی طیبه  ذاته
   دشوف اشثمَر من حُبهُم یمحبوب
 العسل  ماکو  ترا شی   ابحلاته
    و انته  ابسبب بُعدَک  تدری خلّیت 
حبیبک  سجّل  إبَهم   ذکریاته  
     الی   شمّات   کثره  او  انته  تدری
 تذلنی  لیش  یم  ذیچ  الشماته  
     اسمعت عن قیس ذاک الگالومجنون   
ابهواالمحبوب خلص کل حیاته
      حبیبک   صار  مجنون  ابزمانه   
   یلیلا   حقّقی   کل    امنیاته   
        یلیلا حقّقی کل اُمنیاته...}      

 _{" کلمات الشاعر ایوب زرگانی کربلایی"}

_{گلبی اهموم من  زغری  لفتّه}

_{اصبرت واترغّب الباری لفتّه}

_{یحگلی الچبد عل راحوا  لفتّه}

_{((اویحگلی اهمل دمه لهل الحمیّه))}

_{***************************}

_{ابلب گلبی الیالی  ارماح  شچّن}

_{شکیت او لاهن الشکوای شچّن}

_{الثنیتک یا غضنفر عوف شچّن}

_{((ابو  ارویشد  تریّس  بل  ثنیّه))}

_{(سیدابراهیم الغرابی )}

_{*************************}

_{اعیونی اعلیک  من  الدمع  بلین}

_{واعوض الراح بلکی انوب بلین}

_{ملومن قیس گضّه   العمر  بلین}

_{((لئن مثله شفت ظیم  او  اذیه))}

_{*************************}

_{ابغیابک ما  امیز الزین   وشین}

_{او گمت ما الفظ آنه السین وشین}

_{المشاکل من اجن یاخوی وش ین}

_{((اتّراگد من اثر بُعدک علیّه ))}

_{(ایوب کربلایی)}

_{***********************}

_{بچت عيني وگلت يحباب عودو
وإذا لا گلبي علهجران عودو
ابهجركم لا أشم ارياح عودو
ربيعي ابدون شوفتكم عذاب}

_{(حاج عارف الخميسي)}

_{حچينه ابطيب خوتنه وفتنه
ومثل ماالهه وافينه وفتنه
حشانه امن الحقدوالسب وفتنه
" لئن منهجنا سيره الأحمديه "}

_************

_{حچينه ابطيب خوتنه وگلنه
الحقيقه وللأبد صارت وگلنه
الدهرلو يصلي جثتناوگلنه
" حرام انگول غير الواقعيه "}

_************

_{حچينه ابطيب خوتنه بعدهم
وزدنه الهم عله اعدانه بعدهم
بعدهم للحروب اهلي بعدهم
 " يخرجون ابهلاهل بندقيه "}

_************

_{حچينه ابطيب خوتنه وردنا
ومن ماي الوفا ابعزه وردنا
دعينه اتدوم خوتنه وردنا
" السلامه الكل أبي اليملك حميه "}

_{(الشاعرحاج عارف الخميسي)}

_{کره اجیب و کره اودی کره عید}

_{کره ایامی تعیسه کره عید}

_{کره تهمس کره ترهب کره عید}

_{"کره تصمت کلأصم الخالیات "}

_************

_{سرجمالک سل فوادی ولهده}

_{صنم لکن بی فلاحی ولهده}

_{ثوره صارت من حضورک ولهده}

_{"طار من شیبان لجلک یا نبات "}

_************

_{جفانی نصی  الثانی وضلعای}

_{حیاتی والسلف مظلم وضلعای}

_{انهیاری ابسبب هجرانک وضلعای}

_{"انحنیت ابسبب ضلعی الشح علیه"}

_************

_{یذهنی امشوش امعکر وحلبیک}

_{حایل من عهد حبک و حلبیک}

_{شطلعک للخشم غاطس و حلبیک}

_{"اجرک لو تجرنی لل اذیه "}

_************

_{من  الیهل   حبک   صبح   داینه}

_{وصلک دوا او هجرک یخی داینه}

_{لو  دین  تحسب  جیّتک   داینه}

_{((ابعمارنه نوفی الطلب لو نگدر))}

_{سیدابراهیم}

_{*****************}

_{لملم   علیّه   امصایبک   وانفضهه}

_{یا وکتی ماهی اطلابه اظن وانفضهه}

_{امننجمع  الام    الوکت   وانفضهه}

_{((عجبل چا طگ الجبل وتطشّر))}

_{سیدابراهیم}

_{*****************}

 _{لو یزعل ابنار الهجر چاذبنه}

_{اولو ذبنه قطعن  بل هجرچاذبنه}

_{لو گلنه نصبر عل هجر چذبنه}

_{((مر الهجر والجرعته مانگدر))}

 _{ترکی الضبی}

_{*****************}

_{یحله السمر ویه الربع والخلّه}

_{ربع التسد فیت النقص والخلّه}

_{ماهو وفی المامرله خل والخلّه}

_{((ربعه ابکتر وهوا ابکتر یتکتر))}

_{ترکی الضبی}

_{*****************}

_{بونخیله  اعلی  المتن   شداهه}

_{او کل ما اذکرنه الگلب شداهه}

_{ناخی علی یامن حضر شداهه}

_{((ابجاهه الشمل یلتم ولا یتطشّر))}

_{ایوب زرگانی}

_{*****************}

_{ابساحل دبی او عل متن منشفته}

_{لیلو   تنعثر   لو  حچه   منشفته}

_{مدری اشدهانی یا خلگ  منشفته}

_{((صافن اضلّن ساعه لا بل اکثر))}

_{عل میمراو عل میمر}

_{ایوب زرگانی}

 _{الشاعر ایوب ابو محمد الزرگانی}

_{لمحة مختصرة عن حیاة الشاعرایوب ابومحمدالزرگانی هوالشاعرایوب ابن حاج عباس العبدالساده البهلول من عشیرة الزرگان بیت محارب ولدالشاعر فی عام ( ۱۳۵۶ ه.شمسی ) فی مدینة شیبان من توابع مدینة الأهواز، ترعرع الشاعر فی بیت مذهبی وموالی لإهل البیت(ع) واكمل دراسته في مدينة الاهواز بما انه یحب الشعرالعربی جالس العدید من شعراء الاهواز وسار فی منهج شعراء اهل البیت(ع) کتب الشعر علی کافة الاوزان الشعریة من الابوذیة و "الموال" الهات " المیمر" ومضه " هوسات" والقصائد المربع "  نعی "  الغنائی " المجرشه "العگیلی" القصیده العمودیة" بحر الطویل" والشعر الفارسی " والمُلمّع "  شارك الشاعر في کثیر من الإحتفالات المحلیّه والمهرجانات الدولیة التي تقام في المحافظة.}

_{من اشعار الشاعر :}

_{کمال الکون یم طه والأوصاف}

_{محمد بل خُلق کامل والأوصاف}

_{الدرس فی مدرسة علمه والأوصاف}

_{((خرج دکتور ویعلم البریّه))}

<sub>" قصیدة راجع ضمیرک "

طفل مسکین طاهر من الذنوب

لون ابیض نظیف اوصافی غرطاسک

او هسه امنکبرت بعمالک اوجهلک

به انواع الذنب املطّخ الباسک

غرطاسک املطّخ و الخطایه اشکال

ولک جهلک اترکه او طیّر انعاسک

جر خنجر ضمیرک و العن ابلیس

فدائن لشّرف حز رگبت ارجاسک

مو انته بشر و اشرف خلق مخلوق

دوم احترم نفسک و احترم ناسک

اوتوب امنل معاصی اترک بس اترک

او گول استرنی یاربی بس اترک

خل الله اعلی بالک لا بس اترک

((تگول ارحم یربی اعطف علیّه))

شگ صدرالبطل واحچی الحقیقه ابزود

او گول الحگ ولوحد گطعت انفاسک

مو آنه الگلت هذا الأمیر ایگول

گول الحگ ولو تدری ابگطع راسک

اذا گلت الحقیقه او نجّحت مظلوم

او وجدانک تسیطر فوگ احساسک

چی گلت الحقیقه ایبوسک المظلوم

بس آنه اعتقد وجدانک الباسک</sub>

_{العرب والتاریخ}

_{طالع للوکت اقرا تواریخه        ابعجل یفلان}

_{اخبرک لا تظل غافل او کلوکتک تظل خسران}

_{لاتبگه ابحسرتک دوم احچی ولاتظل حزنان}

_{ادریبک تریداتگول لا تحچی یشاعرعالعرب لاتحچی عالعربان}

_{امنتوا اباسم العرب لا لاماعرفتوا العرب موهیچ العرب موهای یااخوان}

_{العرب دین العرب اسلام غیره و مرجله او عفه العرب ناموس موش العرب چیف انچان} 

_{العرب منهم رسول الله النجه امن الجهل من خدمت الاوثان}

_{العرب من حیدر الکرار مسراها الطوع کل عنید همن الانس والجان}

_{روح اگره المجد عن العرب شیگول روح اسئل من ادلال الگهاوی او من فنایینه من الگمگم من الدیوان}

_{من شایب عربنه ومن اطفال الحی من ارجال التهوس لویطگ الدان}

_{من بیت الشعر من الصریفه انشدوا من صهوت اهلنه امن الکرم اسئل من الشجعان}

_{من الجبهه روح اسئل من الموظع اومن کل المساجد من مسیرتنه من القران}

_{احنه العرب عبادت اللیل احنه اباسم الله او درسنه من محمد سید الاکوان}

_{من محمد سید الاکوان ......}

_{يعرف الكون اسمنه من عگلنه
وخيارالأمه صرنه من عگلنه
الخصم يدري ابحربنه من عگلنه
نرده لو نموت اعله الثنيه}

_{يعرف الكون اسمنه من رسمنه
وألف مره نسمه ال مره سمنه
ترى الباري ابخلقته من رسمنه
رسم بينه الكرم ويه الحميه}

_{يعرف الكون اسمنه منأبينه
ودرسنه أحسن دراسه منأبينه
درس من عدهه ضعفي منأبينه
الخصم مرتاح يتسلط عليه}

_{يعرف الكون اسمنه من علينه
الكرم والغيره صارن من علينه
صديج المره مرنه من علينه
ابسواد العين اله فراش وتچيه}

_{يعرف الكون اسمنه من علمنه
وإنتواضع للمعلم من علمنه
علم كل الخلايگ من علمنه
علمنه موعلم سيدالبريه}

_{حاج عارف الخميسي}

_{مقطوعة الگلب}

_{میز گلب عن گلب
اهواي الفرق بللعب لليلعب وينلعب خلونه من الغلب
بيهن گلب يحترق وايضوي لجلك درب
بيهن گلب تنهظم اتخلي اسمه گلب
بیهن گلب یصلح ورغم الصلح ینصلب
وبيهن گلب ينذبح وفوگ الرمح ينصب
وبيهن گلب کلصخر عاصی،عنید وصعب
وبیهن گلب چي سهل ،گیض وشتا ینکرب
گبل الگلب بی وفه ابصدر الیتامه یطب
وهسه الگلب مو گلب لن الوکت منگلب
وگلبی تعلم درس یعطف ،یود ویحب
ویعرف کلام النقی وفرق الغرب والقرب
ابدمعة طفل ینجرح ولو یبچی من دم یصب
ومعروف وکت الحرب ماینجرح بلضرب
ومهما ذکی و یفتهم وماینخدع للسرب
لكن اذا یوصل اخدود السمر ینغلب}

_{گلب رايد گلب رافض گلب هان
گلب صعب الگلب عنده گلب هان
گلوب العالم ابصفحه گلبهن
قسا وجور وأذا وحاله الشجيه
کلمات حاج عارف الخمیسی}

^ابوذیة

 السیده : م - بنی نعمه 

^{اهموم الدنیه هل حملت ویتنا}

^{وحیل ابنارمصلیه ویتنا}

^{حادی الضعن ما یوگف ویتنا}

^{(لا یسمع و لا یلتفت لیه )}

^*******

^{الدهر بیرق حرب علگ ویانی}

^{رعبنی وتیه افکاری ویانی}

^{التمنیته یطفینی    ویانی}

^{( ابنار البعد و اعمل هیچ بیه )}

^{(کاش میشد )}

شاعر خانم ناهید سلامات

^{کاش می شد با گلوی بی صدا فریاد کرد}

^{طرح یک لبخند را بر روی گل تفسیر کرد}

^{کاش می شد با نگاه سبز باران عشق را تعبیر کرد}

^{کاش می شد مهربانی را قاب گرفت} 

^{ودر اتاق حسرت میخکوب کرد .}

^{کاش می شد}  

_{کلمات الشاعرحاج عارف الخميسي}

_{قصیدة  انا شجرة .mp3}

_{قصیدة خبرعاجل .mp3}

_{قصیدة بعد هیهات احسله ابگلبی احساس الموده.mp3}

_{قصیدة الذباح .mp3}

^{کلمات الشاعر سعید سلامات}

ابوذیة

یخی بفعالک الطیبات خجل

الرذیله او یمک الخوان خجل

خل موقف الک مشهود خجل

الیشاهد موقفک بل موزمیه

*****************

ابکثر هجرک یخل خلیت بخلاک

ابدلیلی او بینت بل وصل بخلاک

آنه الچنت اروی اضماک بخلاک

وکت اضمای لیش اگطعت بیه

**********

من طبع المحب یسعی ورخلا ه

یشد حبل الوصل بیهم ورخلا ه

البعدهم تلتهب ناره ورخلاه

یفت گلبه او یجربه امنل منیه

***************

نقدر احچایت الطیبه طبعنه

ابد مایوم للغبره طبعنه

تعال او شوف بل خاطر طبعنه

حب اهل الوفه البیهم حمیه

*************

من مثلی الدهر بل ضیم وحلاه

خربص رای گلبی او صعب وحلاه

حلات الأخو ابیوم العسر وحلاه

اذا بل ضیج ما یبخل علیه

****************

اشتظن یرتفع بین الخلگ هملا

التبع خایب اوعاف الشهم هملا

ماینفع عگبهه اهناک هملا

دم ابدال دمعه اعلی الوطیه

**********

هات

یا اچفوف الخوه صبن چایلی

چیلی یا روحی ابهواهم چایلی

لا تلوم الدمع چی هل چایلی

یذکر ایامه او یه خوته الماضیات

**********

قصیدة (صولة العباس)

صولة العباس تلهب عل فرات

مایطفیهه الفرات ابمایه

شارت العباس تشطر عل فرات

ایفیظ چفه الیعتنیله ابحایه

هومن طب للنهر شاف احسین

منع نفسه او صفه نیته او رایه

لو یوصل المای لخیام الشهید

لو یموت او تنکتب له الغایه

انت باب الحاجه کل معسر یجیک

مایرد خالی الأجاک ابهایه

کلمات الشاعر سعید سلامات

_{کلمات الشاعر ایوب ابو محمد الزرگانی}

_{ابوذیات. mp3}

_{مقطوعة الهات}

_{عندی روحی بس رخیصه چافتیت}

_{ولوهویت اجبال لجلک چافتیت}

_{ولله لو ماخاف ربی چافتیت}

_{وقرريت احدودتجری اعله البنات}

 _{هات من حبهن ولو حبهن نجات}

_{وهات من حبهن یمن حبهن ممات}

_{هات منك هات منك هات هات وهات منک هات قتال الفتات}

_{وليش لاتسئل ثيابي امسردات}

_{هات منک طوس عینی اموشلات}

_{هات منک هات منک هات هات}

_{هاتی رادک وانت قاسي ماتبی}

_{وهل امامك یبچی مثل ال ماتبی}

_{یدری قطعا"انت حبک ماتبی}

_{ویدری کلمن رادک ایشوف الممات}

_{بس یگول الموته یمک هم حیات}

_{ولو چسحت العین هن امسببات}

_هات...

_{هات یاگلبی من الحسبات هات}

_{هاتک انت ایضمد ابجرح الادین}

_{وابهاتی انا ایدلعن زیج البنات}

_{هاتک انت ایچن عله اچتاف النخيل}

_{وهاتی ویه اعثوگ برحی امدلعات}

_{هات منك هات منك هات هات}

_{هات منك هات منك هات هات}

_{هاتي آه وهاتي شهگه هاتي موت}

_{ومني إخذالروح لكن هات موت}

_{آنا ميت وانت خوفك هاتموت}

_{ولله لوماهاتي چاعفت الحيات}

_{هات منك هات منك هات هات}

_{هات ياروحي من الباقين هات}

_{هاتی وده ایعود إله مواله عود}

_{هاتی یعزف بلحزن مواله عود}

_{هاتی شاف الحب رفض مواله عود}

_{بس فتوله الشاف شارک بلممات}

_{هات منک هات منک هات هات}

_{هات منهن والبلاوي امن البنات}

_{وهات منهن حبهن ایدمر حیات}

_{وانا تايب عود من حب البنات}

_{من فگدت امحيبس اللی ابچفهه بات}

_{وبيدي طفیت الجگاير علشفات}

_{وقرريت اكره خدود اموردات}

_{وقرريت اكره جعود امفتلات}

_{وقرريت أكره عيون امكحلات}

_{وقررت ماصد شهل لامخومرات}

_{ولاأبوس الشامه الإبطرف الشفات}

_{واناقلبي امولع ابحب البنات}

_{من غضب ربي عليچن يابنات}

_{يابنات الشعرغنن واغزلن}

_{وبلغزل افكار دورن واغزلن}

_{حيل ماضلت ششن واغزلن}

_{هلغزل موحتي غار الكائنات}

_{هات منجن هات منجن هات هات}

_{هات من إگليبی لومامات هات}

_{هات من إگليبی لومامات هات}

_{هات هات هات}

_{کلمات الشاعرحاج عارف الخمیسی}

^{دليلي الهم يصاحب منترابه}

^{وغيرالعزوجودي منترابه}

^{انحلت لاچن وطننا منترابه}

^{اشم عطره يردالحيل بيه}

  ^*****

 ^{وجودالکرم بنفاسی ونابای.}

^{ودورعل فخردایم ونابای.}

^{الحمیه امی الشرف صیتی ونابای.}

^{المجدوالعزه روح الروح بیه.}

^**********

^{ابتلاطم بحرعزتنه مجانی.}

^{ابسبب غیرالوفه ابگلبی مجانی.}

^{سحردنیای‎ ‎یاصاحب مجانی.}

^{الغبرمن شاخ حط اجنون بیه.‎}

^**********

^{ابمأسی اویای دهری انگلب کدار.}

^{وعلیه اهموم گلبی انبنن کدار.}

^{عجب سعر الفحم ایصیرکدار.}

^{وعجب من الگظیب اتخاف حیه.}

^**********

^{شجه اسماعیل گلبی ابتله بسما.}

^{عمیت ومابقت عل وجه بسما.}

^{شبه طیرانکسرله اجناح بسما.}

^{کسرجنحی الزمان وخان بیه.}

^{(الشاعر الشاب توفيق العموري)}

 ^*****

^{هلي ابسوح الحرب لتظن يبردون}

^{برگاب الخصم دايم يبردون}

^{يصيحون ابعزم بلصد يبردون}

^{المعزه اتصير ذل ومهضميه}

^******

^{أخبرك ماصنع گلبي لمشفاك}

^{فگد وعيه اويرد روحه لمشفاك}

^{إعله بختك ياخشف مرة لمشفاك}

^{دخل ارشف عسل شفتك بديه}

^{(نسيم نبگاني )}

 ^{الگلب من ولفي جافا گبليته}

^{وعلي دعه ابجهنم گبليته}

^{اذا حل التگابل گبليته}

^{وأگبن گلبه ابنار اللي بيه}

 ^******

 ^{بچت عيني وگلت يحباب عودو}

^{وإذا لا گلبي علهجران عودو}

^{ابهجركم لا أشم ارياح عودو}

^{ربيعي ابدون شوفتكم عذاب}

 ^******* 

^{هلي الوصونه  مجلس كلمدرسه}

^{قصدهم لنتعلم كلمدرسه}

^{درس اهلي ثقافة  كلمدرسه}

^{أحس غيره وحنان اتزيد بيه}

^{(كلمات الشاعرحاج عارف الخميسي)}

^******

  ^{هلي جود وفضل يشطر يملهم}

^{نشامه و لا تظن واحد يملهم}

^{هلي ما ناخ بحموله يملهم}

^{نهض بحمولهم واحمول الاجناب}

^{(منان الشبيب)}

 ^******

^{رضاب اشفاک یشگرماسکن بیک}

^{وأسف حبی وودادی ماسکن بیک}

^{چنت وکت الموادع ماسکن بیک}

^{ابرحیلک خذت یوز اچفوف إدیه}

 ^*******

^{کغصن البان یاخلی میالک}

^{وغزیرالدمع صب یشگرمیالک}

^{عذرا" لون مکتوبی میالک}

^{اشمریداکتب یمسحه ادمع لیه}

^********

<sup>قصیدة یمی ظل لا تبتعد

یـــــمی ظل لا تبتعــــد

گلبی ما یــــحمل افراگک یـــمی ظل لا تبتعد

لیل خلص عمری بنفــــاس اجــــگاره ومایرد

صبری گفــــه ویمشی بضعــــونک یلحبیب یود

گلبی ورگت شـــــوگ واچفوف الهجـــرتسردسرد

گلبی چن عصفورواصگورالبعدماترحم اعلیه من تهد

گلبی ورده وخــــــــــــایف ابچــــف الحزن هــم ینمـــرد

گلبی رگبت بلبل وسچین هجرک تگصی عمـــده و بی تحد

گلبی یــــاهل تایـــــه البــــــــــــابـــــک وصل حـــــل لا تسد

گلبــی صفصــــافه حــــزینه وضحــــکتــــک بــــــــاگت ورد

ومــــــره اذکر فتت باب الحـــوش طـــاح وسکته کضته العجد

یـــــمی ظل لا تبتعـــــدکافی من الفــرگه گلب الهجریا خلی جلد

والبعـــــد آ یــــــــل بعدچنـــــه ذیب وگـــــام یفــــرس بــچبـــــد

خلنی ابـــــــاوع عله امرایت خــــدک واروا من اشفافک الحلوه ورد

خلنــــــــی اصیحـــــن حیـــــل احبـــــــــک ما احــــب غیــــــرک ورد

خلــــنی اصفــــــــن صفنتــــــــــی اتخضـــــروردوانــــــت الــــــورد

کل عمرنه الفات خل انطبگ اصوره ونظمهن مانعد

وغلطه غلطیناهـه خــــل ندفنهه سکتـــــــــه ومانعد

وخل نگول الفات مات ومایردوخل نکتراحنه الحقد

وخلنی اودک من جــــدیـــــد وانت هم مــــــن جـده ود

یمی ظل لاتبتعدالعمــــر ریــــل اهمــــوم واسچه هرد

والعشــــــگ سلطان صـــــایــــــرو انــــا گلبی چن عبد

والعشگ انت العشگوالمشاعرکلهه یمک گاعده وتسجدسجد

یمی ظل لاتبتعــداموادعــــک شتویه چله وعمری ما یحمل برد

گلبی سفان اببحرحبــک واخافــــن تجـــــــــــزر و بـــــــــی ماتمد

یمــــی ظل لاتبتعدوالقصدشنهی القصد

اتعمدت عل حبک اناوظنتی واضح هل قصد

خل نکسراوهام حبنه وعل مئاسی ابچف عشگ عنترنهد

وخل نخلی اچفـــوف املنه ابرگبت اسیوف الحقد تبرد برد

وحـــل گفل حضنــــک وظمنی وخلنــی اغفـــــه اعلی ازند

یــــــــــمی ظل لا تبتـــعـــــــد

(رمضان ابو حیدر العگیلی)</sup>

^***********

_{قصیدة صگر الطف}

 _{صگرحل جنحانه من طب لطفوف
وخله جیش الــکفر یشبه للحبار
سوه گاع اطف لحـــــدعظالمین
من خزرته الگامت اتطشرشرار
چنه ملک الموت هدوبیده سیف
یذبح ایـــــــکبرواله ایصدرقرار
حــــمرصدرالگاع صارامندموم
ویمه بیـــدرخله من اروس صار
سیفه چن نافوره ینفخ بــــــدموم
وخله جو اطف لبس سترت غبار
شرگت الگاع ابکثرشرب ادماء
وشرب ابسیفه ازلم بــطگ مرار
گام یرجف خوف چف نهرالفرات
نوبه یصفرویهه نوبه ایدل حمار
اجیش فرمن یاله ابن حامی ادخیل
وبین ابـعکرت جبینه ال انکسار
هدابـــوفاضل اســــــد واعیونه موت
تشگف الیسره ویمینه ابطگهه نار
ضهضب وقیـــــم مطربطف عذاب
ولبس العـــدوان ذله وصایه عار
وایتبخــــــــترعزلم طب للفرات
وشال گلب المــــای حطه ابجربته
رکب غوجه وصاح وین ازلم وین
وانــولد هات القصیده ابصیحته
انا لیــــــــث البلحــــــرایب مایلی
وزینب الگالتـــــــــلی عدل مایلی
گوه اخلی اشط یــــــــــقدم مایلی
وبیدی اجیبه الزینب ام الماجدات
طلع من المای لاگتــــــــه اسیوف
وشبه ســـــــورازلم عشط حاطته
اذاچان ابمــــهده وایگطع الگمط
گلی یاسورالیحــــــــــــوط هیبته
واذاسبع الگنطره اتسمه ابصبی
یا اذیـــــــــــابه العطلته ابطلعته
شگ جداراجیش مهراوبیهه غار
وگام سیفه ایگص رگاب ابشفرته
الماکو راسه السیف طیرراسه اکید
والسلم عل راسه حــــــصل رادته
والی ماتـــت لاجرح لاگطع راس
ماتت ابجــدحت اعیونه وخزرته
وصل یم الخیـــم من طراصفوف
گمرهاشـــــــــم والعقیله اتلگته
یاهله اب هـــزبرامیــــــــرالمومنین
گالت وشبـــــــــــــکت علیه وشمته
گلهه یختی اشماطلبتی اسهل یکون
ولویسلمن جسمی یمنه ویسرته
لواخــــلی انهر یزحف یم اریچ
لوادگن خیمتـــــــــــچ یم خیمته
(رمضان ابوکرار العگیلی)}

 _{قصیدة المجرشه}

_{نصیحة الوالد للولد}

 _{لإبنی هديه امن الحچي وطيب الكلام ايثمر}

_{يوجد حچي ايدمرشعب ويوجد كلام ايعمر}

_{١- یبنی الخلگ بی چم شکل شی ترفض وشی تهوه}

_{من المشو تاخذ عبر واتجرب الجو توه}

_{احچيلك ابباب العشگ گالو عشگ بس بلوه}

_{مشلوله حالك بلعشگ إن تربح وإن تخسر}

_{٢ - ویبنی العصر عصر العلم والهوسه موماتنفع}

_{بس القلم هذا الوکت لهل العلم بس یرکع}

_{وهذا العلم لو بی عمل بیدک مهند یلمع}

_{واعداك من سيف القلم اكثر تكع واتخطر}

_{٣ - ویبنی الشعرهم بی صدگ هم بی چذب هم ذمه}

_{لو ما شمیم البلورد محد تعنه ایشمه}

_{خرز التطشر لو يسر حتى العجيد ايلمه}

_{يعني الأصيل ايحب أصيل}

_{إمن الكديش امكتر}

_{۴ - وبالك يبويه امن الوكت أكلف عدو ايعدونه}

_{وأثر عله الناس وبعد شافو عمه ايغشونه}

_{هو الابو ابهذا الزمن ماطوله حی یردونه}

_{چم شاکر ابشاکر بچا ودمعاته ماتتفسر}

_{۵ - وگبل الشهم یوم الوقا ماحاجه للینخونه}

_{بس هسه يتلبد بعض یترجه لایلگونه}

_{عزت الابو مو للولد والطيب ايعرفونه}

_{واليلبس الماهو إله ابعين الخلگ هم يزغر}

 _{٦ - یبنی وبعد عندک قضیه البیه رفعت راسک}

_{ابهای القضیه مثلی کون اتضمهه جوف احساسک}

_{خصمک رماک ابطلقه هم اعتبره لا ماجاسک}

_{بس ضمهه اله ابیوم الوقا البيدك تلزمه الاسمر}

 _{٧ - بعضا کلامک لو صدگ ماتلگه بی راحه بال}

_{چم شاعر ابشاعر حچاهن بلعتاب وموال}

_{والزوره ممليه ترى بعض الحچي ماينگال}

_{هذا الوكت  مابي صدگ  من هلوكت تتحذر}

_{٨ - وبالک یبویه امن الزمن صدقانک وصدقانک}

_{بیهم ینزل هیبتک بیهم یصعدشانک}

_{للغربه ابن العم ذخر ،لابن العمام اخوانك}

_{لازم ترد هاذ المثل حتي البلد يتعمر}

 _{٩ - حمل الوگع فوگ الارض غیر الاهل متشیله}

_{وغصباً اذا تهوى المجد درب المجد تمشيله}

_{بیهه اشکثر بین الخلگ تحچیله ماتحچیله}

_{یعمل عملته ومادری بیهه الربح لو یخسر}

_{١٠- بالک تگص ابزورتک گال وحفظنه امن ایفیر}

_{يعني اذا ميله بإخوك انت اللي تعدلهه ابخير}

_{گالوهه لن اهل العگل من الشبچ لو فر طير}

_{ينسه الوكر يرحل ترى ابديرت غريب ايوكر}

_{١١ - یبنی واظن کف الحبر بس الحچی ضل واید}

_{واللی سجد للذل شبر یتعود ایضل سايد}

_{خليهه ترچيه وبإذن چلمة الراحل عايد}

_{ثلث السبوع اكنس شوارع بيتي لو يتحرر}

_{چلمه الأخيره وياولد من الفتن  حط بالك}

_{وكل العرب عدهم هلك خوتك،عمام ،اخوالك}

_{تنگل جدم تاخذ علم وعلمك يصلح اعمالك}

_{تلگه الحكم بلمجرشه وتلگه الرمز بلميمر}

_{عیش الفتن انا الگلت لاناکله لا کلنا}

_{وابکیلة الخاین فصم لاکن اجل لاکلنا}

_{یکفینه بس هاذا المثل یعنی العرب لو کلنا}

 لوبینه خل ذیب الزمن صبح او عصر یتزوحر

_{(کلمات الشاعر حاج عارف الخمیسی )}

_{ابوذیه للشاعر سیدابراهیم الغرابی}

_{انته یا من بین شعرک والورید}

_{اجتمعن الشلال والدر والورید}

_{انا ضد کلمن یضدک   والورید}

_{چف حسود العاندک ماعنده ذات}

_{*******************}

_{اصیحن   هلبت  الحدّای  لوجف}

_{اگلّه اتغیب روحی الضعن لوجف}

_{ملوم الجفن وشّل مای   لوجف}

_{الوم اللامنی او شب نار بیّه}

_{*******************}

_{علی یل شرّفک ربک علملاک}

_{او خازن من علِم طه علملاک}

_{هم تدری وگع بلطف علملاک}

_{ابوگعته انهدم سور الهاشمیه}

_{********************}

_{ابوذیات للشاعر صدام جنامی}

_{خویّی     البشداید   وازریته}

_{نکرنی وعلی چتلی وازریته}

_{الذی   بعرا  ابثوبی  وازریته}

_{ابعرای احضر عشر شمّات لیّه}

_{********************}

_{رگه العباس الامطهّم وجابل}

_{الوف او عسکر الکوفه وجابل}

_{سعیر او نزل للشاطی وجابل}

_{مای  ابعزم  لخته  الهاشمیّه}

_{********************}

_{ابوذیّات للشاعر ایوب ابومحمد زرگانی کربلایی}

_{عَلَی لا تبچی او  برداک  تمساح}

_{دموعک لن عرفت ادموع تمساح}

_{عشرتی اویاک شمعه او نار تم ساح}

_{((العمر  و النار   بگلیبی   سریه))}

_{**********************}

_{بقیت ابحسرت   الیوفون   والهَم}

_{جفونی او یا دلیلی  عوف  والهُم}

_{چثیره الناس تعنی احباب والهُم}

_{((طمَع واصواب من ولحه اتهیّه))}

_{*********************}

_{الهده بگه او جزه راید یملکون}

_{اترکه او لا تضن فادک یملکون (یوم الکون)}

_{امش ویناس تدریهُم یملکون}

_{ثقافه او مرجله او عزه او حمیّه}

_{********************}

_{یگلبی  انوب  لو  ونیت      ونحیل}

_{عَلَیَ اوساده الربع عافوک ونحیل}

_{حسبت العزم  بیهُم  اشد   ونحل}

_{((احزامی او فرحت الشمات بیّه))}

_{**********************}

_{یدنیه اویای شو بلضیم مالچ}

_{العزم بالله ابتعد وعلیچ  مالچ}

_{مریدچ  لا  مریدن  کثر   مالچ}

_{((تخلّین  الأخو  ینکر   خویّه))}

_{*******************}

_{وحید ابضیم خلّک منتخلّی}

_{لتزعل  من  یگلّک  منتخلّی}

_{انتخه الیدرک خویّه منتخلّی}

_{((لئیم او عاش بفکاره الردیّه))}

_{*********************}

_{زکات العلِم  یا  هل  ناس  نَشره}

_{او من الحاوی علم بلنشر نشره}

_{العلِم لو کان برض الصین نشره}

_{ابجهدنه او ندرس الحد المنیه}

_{*********************}

_{الکرامت  بنت  أسد ربک بطلهه}

_{الکعبه  او جابت  الحرّه   بطلهه}

_{جاب الحگ علی وزهق بطلهه}

_{ابعلم واخلاق من سیدالبریّه}

_{********************}

_{کمال الکون  یم  (طه)      والأصاف}

_{محمّد   بل   خُلق  کامل  والأصاف}

_{الدرس فی مدرسة علمه والأصاف}

_{((خرج  دکتور   ویعلم  البریّه))}

_{**********************}

_{أگعدت مرعوب فزنی الطیف یفلان}

_{ابعدوک او بس اصیحن حیل یفلان}

_{الحس مبحوح  دمع  العین  یفلان}

_{((حِلِم بس لو حقیقه اشصار بیّه))}

_{**********************}

_{کتلنی الصابغ  الگذله   شرابی}

_{واذا من شر ثمن وصله شرابی}

_{ملومن قیس کل عمره شرا بی}

_{((حُب  لیلا  الجمیله  العامریّه))}

_{*********************}

_{موال للشاعر ایوب زرگانی کربلایی}

_{یا صاح  درب  البطل  کلمن  مشه  بیهلک}

_{گلّی انته بس لشوکت باقی تضل بیهلک}

_{اسلک  دروب  الّذی  عزّت  نفس  بیهلک}

_{او عاشر صدیج الوفی الیملک هویّه  وصل}

_{التنخی  ابیوم  الوقی  ابأول  سریّه  وصل}

_{ای وحگ ذاک الأله شمس الله ردّت وصل}

_{صاحب صدیج الوفی التفخر یخی بیهلک}

_{************************}

_((ومضه))

_{اب بحر حّبک صرت صیاد الأسماک..}

_{او جبتلک صیده چی واجب علیّه}

_{بس مو سمچه جایب دقق او شوف..}

_{جبتلک  گلبی  یلبط  بین   ادیّه}

 _{ماعد کل صدیج اعضید ماعد}

_{وربی دوم الی بل فرح ماعد}

_{اجه یرکض یهوس عید ماعد}

_{(اندورعلفرح والعید حیه)}

_{انته دمی وتحیی روحی من سبت}

_{وغیرک الکلمت حبیبی من سبت}

_{هم شفت جمعه تبرت من سبت}

_{(یلبدیت اویاک واعرفت الحیات)}

_{الشاعرخلیل اعرابی(الهاشمی)}

 _****** 

_{رگه العباس المطهم وجابل}

_{الوف وعسکر الکوفه وجابل}

_{سعیرونزل للشاطی وجابل}

_{(مای ابزود لخته الهاشمیه)}

_{خویی   البلشداید   وازریته}

_{نکرنی واعله چتلی  وازریته}

_{الذی  بعراء  ابثوبی  وازریته}

_{(ابعرای احضر عشر شمات لیه)}

_{اشیمنعک لون عن حالی تسلنی}

_{ابلطف   یلماگلت   مره    تسلنی}

_{ابسگم هجرک لما گاعد تسلنی}

_{(وانته ادره ابوصالک ضمد لیه)}

 _{الشاعر صدام جنامی معاوی}

_****** 

_{(آنه وانته)}

_{آنه گلبی بابه مفتوح الودادک وانته گلبک بابه مگفول ابقساوه}

_{علمت روحی ابلطف لازم تحبک وانته روحک علمتهه اعله العداوه}

_{آنه لوراویک حبی ایذوب چبدک وانته مدری امنین جایبهه الشقاوه}

_{اعترفلک حگک اتزودابدلالک لن حلاوه البیک متعدیه الحلاوه}

_{دوم تجرح گلبی ابخزرت عنادک ویا عنادک جرحه ماظن ایتشاوه}

_{آیلدعج یوز خایب مرمرتنی الجمال البیک لتمزجه ابضراوه}

_{هذه باب الحوش یشهدلی انتظاری وهای ناس اللی اتهمتنی بلجداوه}

_{انته لهلک بسخاوه اچفوف تشطر وین متربی وولا عندک سخاوه}

_{انته گلبک صخره ماتنکسر خاطروآنه منی ادموعی علخد اتتهاوه}

_{وانته کافر والله کافر والله کافر وآنه مسکین واسیر ومنتساوه}

_{آنه ارض سبخه وضمای اعلیک یکتل یاسحاب الحسن نعشنی ابنداوه}

_{لا تشح ابهجرک القاسی یقاسی صدگ عندک حجه گالوا متراوه}

_{احسبنی شوکت بحر مزروعه ابجوارک وخلی نبعاتک عله اقصونی اتتلاوه}

_{وداوی اجروحی یمن وصلک شفاهن والجرح لو ما وصالک میتداوه}

 _{الشاعر صدام جنامی معاوی}

_****** 

_{چبدتی    ابنار   یاربی    وجاهل}

_{ندم    وتعذرک    غافل    وجاهل}

_{ابجاه المصطفی انخیتک وجاهل}

_{(شهید احسین تغفرلی الخطیه)}

_{انجرح    وانعاب    دلالی بسهمل}

_{جفه   ولفراگ    خلانی بسهمل}

_{دمع  وادری الالم گلبی بسهمل}

_{(شفه وشحوا شسوی اشلون بیه)}

 _{الشاعر ترکی ابو امین الضبی الحنظلی}

_******