_{"انك اسطورة و ستبقي اسطورة شامخة عاليه علي أرض نثرت شعرك لأجلها و ستبقي شعلة تقتدي به ابناء هذه الأرض الحبيبة"}

_{ومن هذا الباب اليكم نبضة من حياتة المشعة وبعض من اشعاره الثمينة..}

 

 _{أبوذيه:}

_{حبیبی المن افراگه الگلب بیداء}

_{حده الحادی ابظعنه وگطع بیداء}

_{غصب بعدوه عنی ولون بیداء}

_{حصل ضل منفصل وتصل بیه}

<sub>تهلس سبگی شرتفع وَسمِه
اوظهرشیبی شصبغه ابصبغ وَسمِه
شبابي انسیت رسمه الفات وَسمِه
شبه نسمه الامس مرت علیه
 

 

یخـل من شط فهـــم خل یتم شرباک
ابجهل لیکون ینبــض عـرج شرباک
ابچف عز هز لوه وخل یرف شرباک
ابحومة شــــرف وبســــاحة حمیة



حـــیدر ضربته وحــــده مثنّه
بـــــیها ومـا یـکرّرهــا مـثنّه
ابعلي یشچي الضُّعف والله مثنّه
نمثله بلیث یهدر بالثـنیّه


دریتو ابمفتي العشاگ شفته
فته ابشوفت حبیبي ورحت شفته
ابوله شفته ونشگته وبست شفته
شبگته وفاح منه المسچ لیّه



علی الفات ادرمت شیفید درماي
الحظ ما حاش لي امن الصدف درماي
یگلّلولي اگربت للصید درماي
خطیته وگعدوا ایلومون بیّه</sub>

<sub>العتاب:
 
من عدنه مجــدنا الرحل حل وین
ابمچانه البی گبل نستشرحل ون
چنـّـه ابیوم چان المجـــــدحلوین
اوبگینه ابسگم من بعده وعذاب
 
 

یَهل الیمن لا شلـّت یمنکم
اعشگت ریح الصبه الغبشه یمنکم
أود اشتم شذه گهوة یمنکم
الحله فنجانها بید الاطیاب

 
أحبابي الشالو ابحالي یخلـّون
بچیت ومدمع اعیوني یخلـّون
مرض من عظم فرگاهم یخلـّون
ابچبدتي ونار مستعره وعذاب


 المیمر:


وانه ابزغر سني الصدگ وديته
جبته الصديجي وللعدو وديته
واصلت زيني الكل هلي وديته
وما شفت منهم وفي اليتشكر



مايسله گلبي ابكل لهو مايلها
يفكر بالحمول الوقع مايلها
عطشانة روحي وماتبي مايلها
اتود من جدح عز ترتوي وبي تفخر

 
 الموال:



لاتصحب انذال مذمومه الفعل بیهلک

صاحب نفل ومشي بالگبلگ مشو بیهلک

سیر ابسواني عگل ومشي بثگل بیهلک

عِز والچذب عیب وصدگ للگلت له نعم

ونعم عله المانعم ونعم عله الّي نعم

وحذر غدر کل صدیج البس لسانه نعم

مثل الیلدها نعم وبفاها سم بیهلک

 

المهداوی:

 

أحلفک بحیدر علي یا سعد جیتک موش إلي منتالي

چنت بزمانک خل إلي شخلّاک تخرب و خربت منتالي

ما خفت من زید الغبي الماصلّه کل عمره وخفت منتالي

للمصحف بمسجد قُـــبا وللـــــگصّه صبّـــح چـــــــاوي</sub>